Njoftohen studentët e Universitetit Politeknik të Tiranës për të aplikuar në Programin e Diplomës Ndërkombëtare të Masterit në Trashëgimi Kulturore, organizuar nga University of Chieti Pescara, Itali

University of Chieti Pescara, Itali fton studentët e Universitetit Politeknik të Tiranës të aplikojnë në Programin e Diplomës Ndërkombëtare të Masterit në Trashëgimi Kulturore, (International Master’s Degree in Cultural Heritage at the University of Chieti Pescara).

Mund të aplikojnë studentë që kanë një diplomë Bachelor të Fakultetit të Arkitekturës dhe Urbanistikës, të Fakultetit të Inxhinierisë së Ndërtimit dhe të Fakultetit të Gjeologjisë dhe të Minierave. Ky program ka për qëllim t’i pajisë studentët me njohuritë, aftësitë dhe përvojat multidisiplinare të nevojshme në fushën e ruajtjes dhe menaxhimit të trashëgimisë kulturore nga një perspektivë inxhinierike.

Programi është plotësisht në anglisht, nga profesorë të Department of Engineering and Geology, të University of Chieti Pescara https://www.ingeo.unich.it/home-ingeo-12729

Programi i Diplomës Ndërkombëtare të Masterit në Menaxhimin e Inxhinierisë së Trashëgimisë Kulturore, ofron një kurrikulë gjithëpërfshirëse në aspekte të ndryshme të trashëgimisë kulturore, duke përfshirë teknikat e ruajtjes, monitorimit dhe analizat llogaritëse diagnostike, strukturore dhe gjeoteknike. Nëpërmjet një kombinimi të lëndëve, projekteve praktike dhe tezës, studentët fitojnë një kuptim të thellë të kompleksitetit të trashëgimisë kulturore dhe zhvillojnë ekspertizën e nevojshme, për të adresuar sfidat bashkëkohore në këtë fushë. Inxhinierët e ardhshëm do të jenë në gjendje të bashkojnë kërkesat e përdorimit të sigurt të Trashëgimisë Kulturore me respektimin e identitetit formal, strukturor dhe historik.

Kursi organizohet në Pescara në rajonin e Abruzzo-s – një territor i pasur me histori dhe kulturë, me fshatra historike, kështjella mesjetare dhe kisha madhështore.

Për më shumë informacion, ju lutemi vizitoni faqen tonë të internetit https://idclm24.unich.it/pagina-curriculum-in-engineering-and-management-of-cultural-heritage-1559

Regjistrimi paraprak do të jetë i hapur deri në fund të shkurtit në: https://unich.esse3.cineca.it/AddressBook/ABStartProcessoRegAction.do

(Regjistrohu) dhe në https://unich.esse3.cineca.it/Root.do për aplikimin dhe ngarkimin e të gjitha dokumenteve të kërkuara. Njohja e gjuhës angleze e nivelit B2 (sipas CEFR) është e nevojshme: Kjo mund të vlerësohet nga një certifikatë gjuhësore nga një institucion i njohur ose të vlerësohet drejtpërdrejt me një intervistë online.