Momente nga leksioni i Mario Cucinella

Në kuadër të Javës së Kulturës Italiane në Shqipëri, Aula Magna e Fakultetit të Arkitekturës dhe Urbanistikës në UPT, mirëpriti arkitektin e njohur me famë ndërkombëtare, Mario Cucinella.

Gjatë këtij eventi, ai mbajti një masterclass frymëzuese me titull "Empatia Kreative", ku shpalosi filozofinë e tij mbi ndërtesat e qëndrueshme që bashkëbisedojnë me klimën dhe natyrën.

Aktivitetin e hapën me fjalët e tyre përshëndetëse Ambasadori Italian Marco Alberti, në emer të Rektorit të UPT-së, Prof. Elson Agastra (Drejtor i Kërkimit Shkencor) dhe Dekani i FAU-t, Prof. Armand Vokshi.

Përmes prezantimit të projekteve të tij ikonike, përfshirë edhe objektet e reja në Tiranë, Cucinella tregoi se si materialet dhe forma arkitektonike kthehen në aktorë aktivë të një ekonomie qarkulluese.

Ky leksion i hapur shërbeu si një mundësi e jashtëzakonshme për studentët dhe profesionistët shqiptarë që të prekin nga afër praktikat më avangarde të projektimit ekologjik në Evropë.