HARTALK: ARKITEKTURË, ART, UJË DHE MUZIKË

Jeni të ftuar në aktivitetin përmbyllës të Semestrit të dytë: HARTALK: ARKITEKTURË, ART, UJË DHE MUZIKË

Të mërkurën, 3 KORRIK, në Vilën Mbretërore të Durrësit, do të  takohemi në kuadër të serisë HARTALK, ku do të flasim për artin, arkitekturën dhe hapësirat e bukura shqiptare.

Ky takim do të nisë me një bisedë me arkitektët e mirënjohur Gëzim Paçarizi, Alban Birce, Matilda Pando, si dhe autorët e librit "Fragmente të Arkitekturës Bashkëkohore shqiptare" Armand Vokshi, Blerta Vula Rizvanolli dhe Nesila Hajdini ku do të shtjellohen konceptet dhe relacionet e arkitekturës me ujin.

Më pas do të mund të vazhdojmë vizitën në këte vilë të rëndësishme te arkitekturës në vendin tonë, përmes instalacionit artistik nga Stefano Romano, për ta përmbyllur mbrëmjen në një festë me muzikë nga Erand Kurani / DJ Set MA NU! & Rea.

Ky është një projekt nga HARABEL Contemporary, Fakulteti i Arkitekturës dhe Urbanistikës, UPT dhe Instituti Italian i Kulturës, mbështetur nga Ambasada e Republikës së Italisë në Shqipëri  dhe Instituti Italian i Kulturës.

Datë: 03.07.2024
Ora: 19.00
Vendi: Vila Mbretërore e Durrësit