Thirrje për përfshirjen e studentëve në aktivitetin e Ditës Botërore të Mjedisit

Në kuadër të Ditës Botërore të Mjedisit, Bashkia e Tiranës, nëpërmjet Drejtorisë së Mjedisit, do të organizojë më 5 qershor 2026 një aktivitet të dedikuar sfidave mjedisore dhe zhvillimit të qëndrueshëm të qytetit.

Në këtë aktivitet është parashikuar edhe një hapësirë e dedikuar për studentët, ku ata do të kenë mundësi të ekspozojnë punimet dhe idetë e tyre inovative, si dhe të ndërveprojnë me ekspertë dhe aktorë të fushës.

Në këtë kuadër, inkurajojmë studentët për të paraqitur punimet e tyre, të cilat mund të jenë në formën e projekteve, studimeve, maketeve, instalacioneve apo koncepteve inovative, të lidhura me tematika si:

• cilësia e ajrit
• biodiversiteti
• mobiliteti i qëndrueshëm
• ndryshimet klimatike
• ekonomia qarkulluese
• energjia e rinovueshme
• menaxhimi i ujërave dhe mbrojtja e burimeve natyrore

Afati për dorëzimin e punimeve është data 8 maj 2026, në adresën e email it: zyraekarrieres@upt.al