Studentët e FAU në Wave 2025 në IUAV

Të hënën, më 23 qershor, në sallën e Tolentinëve në Venecia u çel edicioni i 25-të i punëtorive ndërkombëtare të projektimit “Wave”, me pjesëmarrjen e studentëve dhe pedagogëve të Fau, si dhe 11 universiteteve të tjera nga e gjithë bota.

Mbi 1000 studentë të arkitekturës do të bashkëpunojnë për 3 javë (ndër ta edhe 10 studentë nga Fau në të njëjtin grup me 50 studentë italianë të Università Iuav di Venezia), duke eksploruar transformimin e hapësirave të "Punës" në epokën e pas-qëndrueshmërisë.

FAU ka përzgjedhur të trajtojë zonën e rëndësishme të arkeologjisë industriale të Tiranës, ish Kombinatin "Josif Pashko", një potencial i madh urban e mjedisor për tu projektuar, në shërbim të qytetarëve të Tiranës, e rimenduar në brendinë e tij me trendet dhe qasjet e reja të marrëdhënies me vendin e punës.