Informacion mbi programin e praktikave të punës te Fondi Shqiptar i Zhvillimit (FSHZH)

FSHZH është organizatë jofitimprurëse dhe ka një ekspertizë të krijuar prej më shumë se 30 vitesh në disa sektorë të ndryshëm dhe aktualisht është duke zbatuar projekte të shumta në zhvillimin e infrastrukturës, urbanizimit, turizmit dhe bashkëpunimit ndërkufitar.

Me synim përcjelljen e përvojës së mirë tek studentët ekselentë nga universitete private a publike, brenda e jashtë vendit, FSHZH në përmbushje të përgjegjësisë sociale ofron një mundësi për Praktika Pune afatgjatë. Praktika do të ketë një kohëzgjatje 6-12 muaj, është me pagesë (paga minimale) dhe do të realizohet në ambientet e punës së FSHZH-së.

Praktikantët duhet të plotësojnë kriteret si më poshtë:

• të kenë njohuri kompjuterike shumë të mira;
• të kenë aftësi të mira komunikimi dhe pune në grup.

Kandidatët duhet të jenë studentë të masterit apo të sapodiplomuar në profilin e arkitekturës. Të rinjtë e interesuar, duhet të dërgojnë CV në adresën: burimenjerezore@albaniandf.org e më pas do të kontaktohen nga Zyra e Burimeve Njerëzore te FSHZH, për të zhvilluar intervistën.