Ftesë për pjesëmarrje në promovimin e librit “FRAGMENTE TË ARKITEKTURËS BASHKËKOHORE SHQIPTARE A2020/3''

Të nderuar kolegë dhe studentë,
Dashamirës të arkitekturës mbareshqiptare,

Me kënaqësi të veçantë ju ftojmë të merrni pjesë në ceremoninë e promovimit të librit:

 "Fragmente të Arkitekturës Bashkëkohore Shqiptare A2020/3",

vëllimi i tretë i një cikli botimesh që synon të dokumentojë dhe promovojë fragmente të krijimtarisë aktuale arkitekturore shqiptare në Shqipëri, Kosovë dhe Maqedoninë e Veriut, të realizuara ekskluzivisht nga arkitektet shqiptarë.

49 studio arkitekturore shqiptare  shpalosin idetë e tyre në këtë publikim.

Ky libër nuk është vetëm një përmbledhje projektesh. Ai është një dëshmi e kohës sonë dhe e njerëzve që e formësojnë atë përmes arkitekturës. Çdo projekt i përfshirë në këtë botim përfaqëson një ide, një vizion dhe një mënyrë të veçantë të të menduarit mbi hapësirën. Të mbledhura së bashku, këto fragmente krijojnë panoramën e arkitekturës bashkëkohore shqiptare, duke dëshmuar larminë, cilësinë dhe identitetin e profesionit tonë. 

Publikimi u bë i mundur falë kontributit të HQBUILD në Itali.

Eventi i promovimit të librit realizohet nën kujdesin e HQBUILD, Everest dhe Smart Home Albania.

Do të ishte një nder i veçantë ta ndajmë këtë mbrëmje me ju!

Data: 28 Korrik 2026
Ora:18:00
Vendi: Hotel Plaza, Tiranë – Salla e Madhe

Me respekt,

Armand Vokshi, Blerta Vula Rizvanolli, Besian Mehmeti
"Fragmente të Arkitekturës Bashkëkohore Shqiptare A2020/3"

Shkarko programin e eventit.